Ruai Cyber Eawan

Maioh urang selalu betanya nama pengawa aku, ditu aku ka nerang enggau mit nama batang pengawa aku lalu dini aku gawa. Ngarap ka cerita aku ditu ulih maie peransang ka bala anak kitai Iban, kitai bansa enti bisi ati ka gawa sama enggau aku...

Aku diatu gawa enggau sebuah kompeni Multinational Oil & Gas iya nya Sarawak Shell Berhad ke bisi opis di Lutong, Miri, Sarawak.

Aku masuk gawa enggau enggau Sarawak Shell kena 1st. April 1976, masuk nyadi Artisan Trainee (Mechanical). Dia kami di latih kompeni ba Technical Training Center di Lutong dia, graduate April 1978 lalu dianjung kerja ba Mechanical Workshop di Lutong nyadi Mechanic.

Taun 1980 - 1982 aku dianjung kompeni enggau ngaga project Bintulu Crude Oil Terminal di Tanjung Kedurong, Bintulu. Maioh amat pengelaman meda cara BCOT nya digaga ari tanah kampong puang lalu sampai ka nyadi baka kediatu, aku bisi dia kedua kali loading Tanker Minyak, udah nya transfer kerja ka tasik lalu sampai kediatu.

Terubah aku kerja ketasik nurun ke tempat kediatu kena March 1983 ba F23 Gas Complex, numor dua offshore platform ngeluar ka gas di Sarawak. Dalam kandang timpuh ari March 1983 - 2008 diatu aku udah gawa nyau ka ba semua plantar minyak & gas SMEP di Menua Sarawak enggau Sabah.

Pengidup gawa ditasik sigi mencabar amat lebih agi ka bala nembiak laban nuan jauh ari darat sereta sida ke disayau, nasib ga ba SMEP jadual kerja ketasik enda ga panjai suba baru numbuh ka kerja ketasik iya nya ngena seminggu ditasik lalu seminggu relak didarat, diatu nyau tukar ka dua minggu bisi ga nya kena belelak enggau diri sebilik & kaban belayan.

Lalu maia off mega macam pengawa kompeni ke ngatur pemaju bala staff baka meri training, teambuilding, lalu belajar sambil gawa nitih ka prujek baru.

Aku beterima kasih ngagai kompeni Shell, Sarawak Shell Berhad ke udah meri aku peluang kerja lalu belajar, tambah percaya ka aku nyadi Operation Installation Manager (OIM) megai platform ditasik ke ngeluar ka minyak & gas ka menua Malaysia, kira 25% penatai duit menua Malaysia datai ari minyak & gas.