Ruai Cyber Eawan

Nama: Edward Awan anak Jawa.

Menua endur ada: 24th November 1958, Praja, Kabo, Ulu Krian, Saratok.

Status: Udah berumah tangga, bisi 4 iku anak ( 3 lelaki, siku indu)?

Tempat endur Gawa: Sarawak Shell Berhad, Lutong.?

Nama Pengawa: Operation Installation Manager di Gas Platform ba Central Luconia (F23)?

Pengelama udah gawa: Masuk gawa enggau Shell kena 1st. April 1976 ( 32 taun ke taun tu)

Interest: Socialising, Clubbing, Outting having fun with friends, gardening kena muai peluh lalu refresh diri empu ari stress..

Penatai aku…

Asal menua aku ari Praja, Jalai Ulu Krian, Saratok, tang udah lama ninggal ke menua laban maia belajar suba lalu diatu nyau gawa di Miri nyadi diatu Miri mih nyadi menua aku. Kami diri menyadi bisi tujuh iku tiga indu lalu empat iku lelaki, aku numor dua biak ka kami diri menyadi. Kami diri menyadi laban ke nguan keresa urang tuai nyadi nyau bebagi endur.

Menyadi aku ke tuai, nya indu belaki lalu nguan rumah kami di Melak, Kaki Wong, menyadi aku ke indu numor dua nya nguan rumah kami di Melupa semak jembatan krian, menyadi aku ke numor tiga lelaki nya nguan rumah kami di Praja, Kabo ba jalai ulu krian dia. Menyadi lelaki aku siku diiru sida aki aku di Nanga Melupa ga sama serumah enggau menyadi aku lumor dua tadi. Menyadi aku numor lima nya lelaki diiru sida indai biak aku di Telik, Ulu Krian, nyadi ke biak indu ka kami jadi enggau bansa Bidayuh diatu diau di Siburan Low Cost Housing.  Amat bala menyadi maioh tang laban nyau udah bisi rumah tangga diri empu. Aku laban udah nadai sida Apai enggau Indai nyadi rumah tanah temuda agi dimenua tang aku mina nemuai kin maia Gawai laban ngabang ke bala menyadi & kaban…

Aku diatu gawa ba kompeni minyak Shell ke be opis di Lutong, masuk gawa dia 1st April 1976. Diatu aku siku ari anak kitai Iban ke mangku pengawa nyadi Operation Installation Manager (OIM) kediatu aku ba F23 Gas Complex iya nya sebuat gas platform ke numor dua tuai di Sarawak digaga dalam taun 1983.

Aku udah berumah tangga lalu bisi 4 iku anak asil ari ke begulai kenyau ari 1980, 3  iku lelaki lalu siku indu ke bungsu, ke bungsu nya udah masuk pom 4 taun tu, ketuai sekali udah gawa, lalu ke numor 2 & 3 nya benung nyambung pelajar ba local U di Kuching.

Ba masa lapang aku…kelimpah ari ke maca bup dia aku rindu ga bekebun betupi baka pengawa rumah panjai kitai. Kena menuh ka masa lapang mega aku rindu begulai enggau bala kaban begempuru beserumpu kena bekungsi ka penemu, lalu selalu ayan ga ba Ruaikitai ngulu enggau urang bercerita lalu bekungsi penemu ba cyber kitai Iban online nya.

Aku selalu mega ngatur lalu bejalai ka “We Care We Share” program ke di galak ka ulih kompeni Shell kena meri penerang ngagai menua persisir ke pengawa kompeni Shell ti bisi ditumbuh ke ba menua kitai Sarawak ditu…

1. Bejalai ngagai skula menua persisir meri jaku peransang (Educational/Motivational) ngagai sida nembiak skula ke ka ngambi perisa baka pom 3, pom 5 & pom 6.

2. Nerang ka penusah ketagal nginsap ruku (Smoking Awareness Campaign).

3. Meri tunjuk ajar ngagai sida rumah panjai cara nyaga diri ari api lalu meri latih cara ngena pemadam api enggau betul. (Fire Awareness Campaign)

4. Meri darah ka MGH ke selalu diatur ari semua raban kami ke kerja ditasik..tiap taun.